Lajmi për ndarjen nga jeta të Lisa Marie Presley, vajzës së vetme të Elvis Presley, u bë i njohur dje dhe përhapi trishtim tek të afërmit dhe fansat e saj.
Mes tyre edhe aktori Nicolas Cage, i cili ishte i martuar me të nga viti 2002 deri në vitin 2004.
Madje, ai ka shprehur ngushëllimet e tij në një deklaratë për Hollywood Reporter.
“Është shkatërruese. Lisa kishte buzëqeshjen më të madhe nga kushdo që kam takuar ndonjëherë. Ndriçoi çdo dhomë dhe unë jam zemërthyer”, tha aktori i njohur.
Në të njëjtën kohë, ai iu referua djalit të këngëtares Benjamin, i cili kreu vetëvrasje në korrik 2020. “Gjej pak ngushëllim me shpresën se ajo do të ribashkohet me djalin e saj, Benjaminin”.
Nicolas Cage shared an emotional tribute to Lisa Marie Presley after her tragic death on Thursday https://t.co/8AsftwV28q pic.twitter.com/MQsGRXBEqg
— The Hollywood Reporter (@THR) January 13, 2023
Lisa Marie Presley do të prehet në Graceland pranë djalit të saj të ndjerë Benjamin Keough, ka njoftuar një përfaqësues i familjes. Ajo ishte gjithashtu nënë e binjakëve Harper dhe Finley.
